{"id":7560,"date":"2025-07-13T11:43:51","date_gmt":"2025-07-13T10:43:51","guid":{"rendered":"https:\/\/www.clwydianrangeanddeevalleyaonb.org.uk\/article\/other-activities\/"},"modified":"2026-01-16T13:37:48","modified_gmt":"2026-01-16T13:37:48","slug":"other-activities","status":"publish","type":"article","link":"https:\/\/www.clwydianrangeanddeevalleyaonb.org.uk\/cy\/article\/other-activities\/","title":{"rendered":"Gweithgareddau Eraill"},"content":{"rendered":"\n

Marchogaeth<\/strong><\/h3>\n\n\n\n

Gyda dewis anhygoel o dirweddau a channoedd o gilometrau o lwybrau ceffylau a chilffyrdd, mae Tirwedd Cenedlaethol Bryniau Clwyd a Dyffryn Dyfrdwy yn gyrchfan berffaith ar gyfer marchogaeth. Dychmygwch farchogaeth ar hyd lonydd deiliog, sblasio drwy nentydd, archwilio coedwigoedd a chroesi mynyddoedd digysgod, mae rhywbeth at ddant pawb yma. Mae digonedd o ganolfannau marchogaeth yma wrth gwrs i roi cyngor i chi yngl\u0177n \u00e2 phryd a lle i farchogaeth \u2013 ac i ddarparu ceffyl a chyfarwyddyd os oes angen. Mae rhai hyd yn oed yn cynnig Gwely a Brecwast i geffylau os yw\u2019r cyfaill pennaf yn dod ar wyliau gyda chi.<\/p>\n\n\n\n

Rhedeg ar Rostir<\/strong><\/h3>\n\n\n\n

Mae\u2019r Tirwedd Cenedlaethol yn ddelfrydol ar gyfer rhedeg dros y rhostiroedd, gyda llawer o lwybrau yn croesi bryniau gyda golygfeydd gwych. Mae\u2019n gartref i Excalibur, un o farathonau oddi ar y ffordd mwyaf anodd y DU, a Ras Fynydd boblogaidd Cilcain bob G\u0175yl Banc Awst. Beth am ymuno \u00e2 Rhedwyr Bryniau Clwyd sy\u2019n rhedeg llwybrau\u2019r ardal yn rheolaidd gan godi arian i achosion lleol drwy eu digwyddiadau.<\/p>\n\n\n\n

Achlysuron cymdeithasol<\/strong><\/h3>\n\n\n\n

O wyliau ac eisteddfodau i farchnadoedd ffermwyr a nosweithiau comedi, mae digwyddiadau\u2019n cael eu cynnal ym mhob rhan o <\/meta>Tirwedd Cenedlaethol Bryniau Clwyd a Dyffryn Dyfrdwy drwy gydol y flwyddyn. Dewch draw i gael blas o gynnyrch lleol, neu treuliwch noson yn gwrando ar G\u00f4r Meibion. Rhowch dro ar un o\u2019r nifer cynyddol o ddigwyddiadau a drefnir yn genedlaethol ac a gynhelir ar ein mynyddoedd a\u2019n rhostiroedd hawdd, neu beth am edrych ar ein canllaw ni i\u2019n digwyddiadau, O Gwmpas. Am fwy o wybodaeth, gweler ein digwyddiadau<\/a>.<\/p>\n\n\n\n

Bwyd a Diod<\/strong><\/h3>\n\n\n\n

Mae\u2019r cymunedau o fewn yr Tirwedd Cenedlaethol yn ailddarganfod y pleser o gynhyrchu bwyd a diod arbennig o\u2019r cynnyrch o ansawdd anhygoel sydd gennym yn yr ardal. Gallwch chi hefyd ddarganfod prydau a chynnyrch o ansawdd gwych ar hyd a lled Bryniau Clwyd a Dyffryn Dyfrdwy \u2013 i\u2019w bwyta yma neu i fynd adre\u2019 efo chi! Er mwyn darganfod mwy am y cwmn\u00efau hyn neu i ddarganfod digwyddiad bwyd a diod, dilynwch y dolenni isod.<\/p>\n\n\n\n

Ar y d\u0175r<\/strong><\/h3>\n\n\n\n

O\u2019r cychod camlas byd-eang yn Llangollen i\u2019r gamp newydd o badl fyrddio ar eich traed, mae amrywiaeth eang o weithgareddau ar y d\u0175r ar hyd ein hafonydd a\u2019r gamlas. Gellir can\u0175io a rafftio yn ogystal \u00e2 cherdded ceunentydd a chaiacio yn lleol, a pheidiwch \u00e2 mynd adre heb brofi trip bythgofiadwy ar hyd Traphont Dd\u0175r Pontcysyllte.<\/p>\n\n\n\n

Golff mini<\/strong><\/h3>\n\n\n\n

Mae 9 twll i\u2019r cwrs golff mini unigryw ym Mharc Glan-yr-afon Llangollen a rhai ohonynt yn cynrychioli mannau neu nodweddion difyr yn Nyffryn Dyfrdwy. Gallwch golffio eich ffordd o amgylch byd bach y Dirwedd Genedlaethol ac mae holl elw\u2019r golff yn mynd i gefnogi gwaith cadwraeth hollbwysig yn yr ardal.<\/p>\n\n\n\n