Swyddog Ymgysylltu Cynulleidfaoedd yr Awyr Dywyll
Cyfnod Datblygu Rhwydweithiau’r Nos, Rhaglen Rhwydweithiau Natur.
Dyma gyfle cyffrous i weithio gyda Parc Cenedlaethol a’r Tirweddau Cenedlaethol ledled Gogledd Cymru ar brosiect i wella ansawdd ein hawyr nos a’i fioamrywiaeth.
Swyddog Ymgysylltu Cynulleidfaoedd yr Awyr Dywyll
Cyfeirnod Swydd: PCCS00049E5MTE
Lleoliad: Neuadd y Sir Rhuthun gyda theithio ar draws Gogledd Cymru
Cyflog: Gradd 6, £32,597 – £33,699 pro rata, yn amodol ar werthusiad
Oriau: 14.8 awr yr wythnos
Contract: Cyfnod Penodol tan 31 Mawrth 2028
Ynglŷn â Chyfnod Datblygu Rhwydweithiau’r Nos
Mae awyr nos Cymru ymhlith y tywyllaf yn y byd. Sicrhawyd cyllid drwy raglen Cronfa Treftadaeth Llywodraeth Cymru ar gyfer Tirweddau Cenedlaethol a Pharciau Cenedlaethol Gogledd Cymru, drwy Bartneriaeth Prosiect Nos, i gydweithio ar brosiect i ganfod a mynd i’r afael ag effeithiau ecolegol goleuadau artiffisial yn y nos (ALAN).
Bydd deiliad y swydd hon yn llywio datblygiad a darpariaeth cynllun cyfathrebu ac ymgysylltu effeithiol i godi proffil a gwybodaeth am y mater hwn, ac i ysgogi newid mewn ymddygiad.
Nod prosiect Cyfnod Datblygu Rhwydweithiau’r Nos yw gwella rhwydweithiau ecolegol blaenoriaethol drwy fynd i’r afael â llygredd golau, un o brif achosion dirywiad cynefinoedd ond sy’n aml yn cael ei anwybyddu. Bydd yn mapio coridorau tywyll i gefnogi symudiad rhywogaethau a chydnerthedd ecosystemau. Bydd canfyddiadau’n llywio ôl-osodiadau goleuadau yn y dyfodol i ailgysylltu cynefinoedd darniog. Bydd monitro bioamrywiaeth a golau sylfaenol yn arwain camau gweithredu hirdymor.
Mae’r swydd yn cael ei chynnal gan Gyngor Sir Dinbych. Os oes gennych ddiddordeb yn y swydd hon, gwnewch gais ar-lein drwy’r wefan www.sirddinbych.gov.uk chwiliwch am swyddi gwag ar yr hafan a dilynwch gyfarwyddiadau pellach.
Os hoffech drafod unrhyw agwedd or swydd ymhellach, cysylltwch â Ceri Lloyd ar 07909934320.
Ariennir y swydd yma gan y Rhaglen Rhwydweithiau Natur. Mae’n cael ei ddarparu gan y Gronfa Treftadaeth, ar ran Llywodraeth Cymru.
